«Школыш погынаш полшо» поро кумыл акций тӱҥалеш

                   Йошкар-Олаште 10-шо август гыч «Школыш погынаш полшо» поро кумыл акций кышкарыште арверым погаш тӱҥалыт. У тунемме ий тӱҥалмеш тылзе деч шагал жап кодеш. Лач тиде жапыште тиде акций тӱҥалеш. Тушко профилактике системын субъектышт, муниципал тунемме тӧнеж да поро кумылан еҥ- влак ушнен кертыт. Мероприятий Йошкар-Ола администрацийын туныктыш виктемжын тӱҥалтышыже почеш эртаралтеш. Пӧлек шотеш тунеммаште мо кӱлеш- чыла пуаш лиеш: тетрадьым, портфельым, карандаш ден ручкам, альбом ден чиям. Школ формо ден йолчиемымат кондаш лиеш. Полышым школлашке кондыман. Тушто 10-шо август гыч 7-ше сентябрь марте поро кумыл полышым чумырышо штаб- влак пашам ыштат. Акций кышкарыште шуко шочшан, нужнанрак илыше, неле илыш йыжыҥыш логалше ешла гыч йоча- влак у тунемме ий тӱҥалмылан пӧлеклалтше пайремыште полышым налыт. Акцийыш оласе чыла калыкым, предприятий ден организаций, мер организаций- влакым ушнаш ӱжыт. Меценат ден спонсор- влак тауштымашан серышым налыт, участник- влакын спискышт туныктыш виктемын сайтыштыже возымо лиеш.

Прошлые выпуски