Марий филармонийын у полатшым пайрем концерт дене почыт

                     Йошкар-Олаште марий филармонийын у полатшым пайрем концерт дене почыт. Лишыл жапыште эҥер серыште Яков Эшпай лӱмеш марий кугыжаныш филармонийын у полатше омсажым почеш. Тиде пайремым 13-шо августлан палемдыме. Тидын лӱмеш концерт- влак икмыняр кече шуйнат. Артист- влакым 13, 14-ше, 15-ше да 19-ше августышто ончаш лиеш. Калык ончыко филармонийын «Марий Эл» куштышо ансамбльже, «Марий кундем» калык семӱзгар оркестрже, Павел Тойдемар лӱмеш муро театрже, «Эреҥер» калык муро ансамбльже, Алексей Искандаров лӱмеш марий хор капеллыже лекташ ямдылалтыт. Концертым увертарыме дене ондалкалыше- влакат чолгаҥыныт. Нуно шоя билетым ужалкалаш тӧчат. Пайрем концертыш икмыняр шоя билетым ужалымым рашемдыме. Сандене тӱвыра министерстве шоя сайтла гоч билетым налаш ок темле. Кызыт билетым филармонийын кассыштыже Вознесенский уремысе 75-ше пӧртыштӧ ужалат. Тыгак администратор- влак ужален кертыт.
                      Петр Васильевын фотожо.