«Еш- изирак черке» православий фестиваль эртен

                   Килемарыште «Еш- изирак черке» лӱман православий фестиваль эртен. Молевой ер воктене йоча да самырык- влаклан фестиваль 16-шо гана лийын. Поро йӱла семын участник- влак палаткан олаш чумыргеныт. Тиде гана фестиваль «Патырлык. Кугу князь Александр Невский» темылан пӧлеклалтын. Тудым Килемар посёлкысо пророк Илиян храмже, тудын настоятельже протоиерей Андрей Романов ямдыленыт. Фестивальыш республикын тӱрлӧ кундемже да пошкудо регионла гычат икшыван еш- влак чумыргеныт. Программыже пеш поян лийын. Участник- влаклан ыресым кучен, юмылтен таҥошкылмаш, юмылтымаш, усталык мастерской, калык модмаш да кастене шинчымаш, ярминга, спорт таҥасмыаш- влакым эртарыме. Йоча да кугыеҥ- влак усталык да концерт номер- влакым ямдыленыт, калык вургемым, кидпашам конденыт. Фестиваль йоча- влакым ешысе православий йӱла деке кумылаҥдаш манын эртаралтеш.
Фото: marimedia.ru