Александр Евстифеев Российын Геройжын изаже дене вашлийын

                Александр Евстифеев Кавказыште ӱмыр лугыч лийше герой-десантникын изаж дене вашлийын. Российын Геройжо Марк Евтюхинын изаже Игорь Евтюхин запасыш лекше военнослужащий да вооруженный конфликтлаште эмганыше да вуйым пыштыше- влакын ешыштлан полышым пуышо  «6-шо ротым шарныме лӱмеш» фондын директоржо улеш. Регионым вуйлатыше Игорь Евтюхиным юж-десант войскан кечыж дене саламлен да республикыш толмыжлан тауштен. Ныл ий ончыч ме Сеҥымаш бульварыште Марк Евтюхинын бюстшым вераҥдышна. 6-шо ротын военнослужащийже- влакын подвигышт самырык тукымым шуарыме мероприятийым эртарыме годым пример улыт. Чыла школлаште патырлык урок, класс шагат, торжественный митинг- влак эртат,- каласен Евстифеев. Фондын директоржо десантник- влак деке тӱткышым ойырымылан кугу таум каласен да республикыште патриотизм шӱлышеш шуарыме пашам кузе шуктымым моло кундемлаште эре примереш шындем манын. Ушештарена: Йошкар-Оласе Гагарин проспектысе Марк Евтюхинын шочмо да кушмо пӧрт пырдыжеш мемориал оҥам вераҥдыме, Сеҥымаш бульварыште бюстым шогалтыме, Мышино ял воктене чоҥалтше микрорайонышто ик уремлан Марк Евтюхинын лӱмжым пуаш ыштыме. Сеҥымаш бульвар, Свердлов урем да Машиностроитель урем ушнымаште изирак кундемлан «Воин десантник- влакын скверышт» лӱмым пуымо. Республикысе «Юнармий» толкын Геройын лӱмжым нумалеш. Тений июльышто Сеҥымаш бульварыште Марк Евтюхинын бюстшо воктене воин-десантник- влаклан 42 стойкым вераҥдыме.

Прошлые выпуски