Ӱдырамаш йотэлын еҥжылан шоя регистрацийым ыштымыжлан суд ончыко шогалеш

                 Йошкар-Олаште илыше ӱдырамаш йотэлын еҥжылан шоя регистрацийым ыштымыжлан суд ончыко шогалеш. Следствий виктем 55 ияш ӱдырамаш шотышто уголовный пашам шымлен пытарен. Ӱдырамаш кодшо ийын ноябрьыште шке илемышкыже оксала Хорватий да Татарстан республикыла гыч кок еҥым регистрироватлен. Нунын кокла гыч иктыжат тиде пачерыште илаш шонен огыл, лач регистраций гына кӱлын. Осал пашам ФСБ виктем рашемден. Кызыт уголовный пашам прокурорын титаклыман заключенийже деч вара судыш ончаш колтымо,- увертара следствий виктем.
Фото: nashregion33.ru