5 у школ почылтшаш

Марий Элыште 2024-ше ий марте 5 у школым чоҥышаш улыт. Кызыт школ-влакым капитально олмыктымылан кугу тӱткышым ойырат. Тений 27 школым ачалаш 441 миллион наре теҥгем пуэныт. 2024-ше ий марте Марий Турек районысо Сардаялыште, Медведево поселкышто, Руэм поселкышто, Козьмодемьянскыште да Йошкар-Олаште «Восточный» микрорайонышто у тунемме тӧнеж-влак шке омсаштым почшаш улыт.