Вараксинский кӱварым ондакрак почыт
Рӱдоласе Вараксинский кӱварым палемдыме жап деч ончыч почшаш улыт. Ачалыме пашам 15-ше августлан мучашлаш палемдыме лийын. Но регионым вуйлатыше пашам эррак пытараш да вес арня тӱҥалтыште тудым почаш кӱштен. Молан манаш гын ик кӱварым петырыме дене олан моло ужашыштыже пробко-влак лиедат. Ушештарыман: Вараксинский кӱварым 3-шо июльышто ачалаш тӱҥалыныт. Тудо «Лӱдыкшыдымӧ сай качестван корно-влак» нацпроектышке пурен.