Йӱшӧвуя автомашинам виктарат

Эртыше каныш кечылаште автоинспектор-влак йӱшӧвуя автомашинам виктарыше 21 еҥым кученыт. Кок еҥже тиддеч ончычат руль воктеке йӱшӧ шинчын улмаш. Сандене нунын шотышто уголовный пашам тарватат. Молыштланат мут кучаш логалеш. ГИБДД пашаеҥ-влак йӱшӧвуя машинам виктарыше-влак нерген калыкым шижтараш йодыт. Тидын годым автотрапсортын кугыжаныш номержым, серий ден маркыжым шарнен кодман.