Икымше класслаш 5-ше сентябрь марте налыт

                 Икымше класслаш 5-ше сентябрь марте налыт. Кызыт тунемме тӧнежлаште йоча- влакым икымше класслаш возымо кокымшо толкын кая. Тудыжо школ деч ӧрдыж кундемлаште илыше йоча- влаклан виктаралтын. Визымше сентябрь марте возалташ лиеш. Але вес семын каласаш гын, тиде жапыште вес микрорайонысо школыш йодмашым пуаш лиеш. А икымше толкынжо школ кундемыште илыше йоча- влакым возымаш дене кылдалтын ыле. Тудо 30-шо июньыштак мучашлалтын. Тений приёмный кампаний варашырак тӱҥалын да икымняр ойыртем дене эрта. Мутлан, ик школышто еш гыч кугурак икшыве- влак  тунемыт гын, вес микрорайонышто илыше шольыштым але шӱжарыштым икымше классыш налаш тореш лийын огыт керт. Кокымшо толкынышто икымше классыш налаш чаракым вер ситыдымаш гына ыштен кертеш.- увертара ола администраций.

Прошлые выпуски