Эрла- торговльо пашаеҥ- влакын профессионал пайремышт
Эрла торговльо пашаеҥ- влак шке профессионал пайремыштым палемдат. Торговля экономикын кӱлешан ужашыже улеш. Элна мучко тиде сферыште изи предприятий- влакын пелыже наре пашам ыштат. Икымше гана торговльо пашаеҥ- влакын кечыштым кодшо курымын 60-шо ийлаштыже палемденыт. Россий Президентын 2013-шо ийысе Указше дене тиде профессионал кечым июльын нылымше шуматкечыжлан пеҥгыдемдыме. Тыге, тений тудо 24-ше июльышто палемдалтеш. Маристатын ончыктымж почеш, 2020-шо ийыште ужалкалымашын оборотшо 91 миллиардат 200 миллион теҥгеш шуын. Ужалкалыме пашам кок тӱжемат 620 организаций шуктен шога. Тушто ныл тӱжемат 900 посна амалкалче, 43 тӱжемат 800 еҥ пашам ышта.