«Бендериада» теният онлайн-формат дене эрта

                «Бендериада» теният онлайн-формат дене эрта. Тудо 31-ше июльышто «Бендериада» лаштыкыште лиеш. Регион- влак кокласе кӱкшытан 27-ше мыскара да сатира фестиваль чер лӱдыкшӧ улмылан кӧра тӱшка калыкым ок чумыро. Но южо мероприятийышке кызытак ушнаш лиеш. «Акпарс» тӱвыра рӱдерын лаштыкыштыже анонс да конкурс- влакын положенийыште вераҥдалтеш. Ушештарена: 9-ше август марте республикыштына коронавирус инфекций шарлымылан кӧра утларак ямде улмо режим шуйна. Тиде жапыште тӱшка мероприятий- влакым эртараш чарыме.