Марий колызо- влак икымше верым налыныт

               Марий Элын сборный командыже Татарстаныште колым кучымаш дене Чемпионатыште сеҥышыш лектын. Республикынан колызо-спортсменже- влакын сборный командыже вӱд пундаш гыч колым кучымо дене Татарстанын Чемпионатыштыже таҥасен. Мемнан колызо- влак дене пырля Российын икмыняр кундемже гыч 50 спортсмен усталыкшым ончыктен. Чылаже 13 команде лийын. Таҥасымаш Свияга эҥерыште Свияжск отро-ола воктелсе дамбе кундемыште эртен. Марий Элын чапшым Йошкар-Ола гыч Константин Чёрный, Приволжский посёлко гыч Сергей Петров, командын тренерже Александр Михайлов, Йошкар-Ола гыч Михаил Егошин, Волжск гыч Артём Леванов араленыт. Таҥасымашын лектышыже почеш мемнан команде сеҥышыш лектын, а кум колызо-спортсмен куд эн тале коклаш логалын.

Прошлые выпуски