«Мирный» микрорайонышто 320 верлан у йоча сад почылтшаш

                Лишыл жапыште Йошкар-Оласе «Мирный» микрорайонышто чоҥен шогалтыме у пӧрт- влак коклаште 320 верлан у йоча сад почылтшаш. Тудо «Демографий» калыкле проект кышкарыште чоҥалтеш. Республикым вуйлатыше Александр Евстифеев тиде проектым шке контрольыштыжо куча. «Мирныйысе» йоча сад пытартыш ныл ийыште чоҥымо 9-ше йоча сад лиеш. Чоҥашлан 222 миллион теҥгем кучылтмо, ныл миллион утла теҥгелан мебельым налме лиеш. Чоҥымо паша графикым ончылтен шукталтеш. Тений сентябрьыште пашам мучашлышаш улыт. Транспорт йодышат микрорайонышто илыше- влалкан кӱлешан улеш. Шыже гутлаште корнын кок ужашыштыже Петров урем ден Ураев бульварыште кугу паша мучашлалтеш.