Сеҥымаш Тоштерын Ленинградысе блокадым тӱҥалмылан 80 ий теммылан пӧлеклалтше ончерже дене палымым ыштеныт

              Республикыштына Сеҥымаш Тоштерын Ленинградысе блокадым тӱҥалмылан 80 ий теммылан пӧлеклалтше ончерже дене палымым ыштеныт. Мультмедийный проектым Йошкар-Олан историй тоштерыштыже ончыктымо. Жаплан ыштыме экспозиций вигак Российысе да Белоруссийысе 24 тоштерыште почылтын. Тушто документ, фотосӱрет, сылнымут произведений- влак ончыкталтыт. Тыге Кугу Ачамланде сарын  ик эн ойган, тыгодымак патырле страницыже дене палыме лияш йӧн уло.