Шернур посёлкышто артезиан скважиным буритлаш тӱҥалыныт

                  Шернур посёлкышто артезиан скважиным буритлаш тӱҥалыныт. Республикысе яллаште чарныде вӱдым ситараш манын Правительстве 34 миллион теҥге оксам ойырен. Тиде окса у скважине ден резервуарым чоҥаш палемдалтын. Посёлкысо рӱдо вӱд заборышто ешартыш артезиан скважиным кӱнчаш тӱҥалме. Тудо суткаште 250 кубометр вӱдым тулен лукшаш. Пашан акше кок миллионат 250 тӱжем теҥгеш шуэш. Тиддеч посна райрӱдыштӧ Энергетик ден Садовый уремласе вӱд пучым ик оҥгыш ушат.