Волжский районышто шучко ДТП лийын

                Шуматкечын Волжский районысо Памар села воктене корно происшествийыште кум еҥ ӱмыр лугыч лийын, нылытше эмганен,- увертара МВД-н пресс-службыжо. Ончылгоч шымлыме почеш Киа-н водительже вес машинам эртен кудалаш манын, ваштареш корныш кудал лектын да  Мерседес дене ваш тӱнен. Тыге ДТП-ште Киа-н водительже да кок пассажирже колен, Мерседесын водительже ден кум пассажирже эмганен. Ведомствын ончыктымыж почеш, нуно чыланат Татарстан гыч улыт. Мо кузе лиймыже рашемдалтеш.