Волжск олаште школым чоҥаш тӱҥалыт
Марий Элым вуйлатышын кӱштымыж почеш Волжск олаште школым чоҥаш тӱҥалыт. Александр Евстифеев паша дене Волжск олаш миен. Тудын ончымо икымше объектше 6-шо номеран школ лийын. Тиде тунемме тӧнежым 1985-ше ийыште чоҥымо. Жап шуко эртен огыл гынат, зданий тӱткышым йодеш, аварий ситуацийже ешаралт толеш. Александр Евстифеев верыштак совещанийым эртарен да тушто школын кумшо блокшым уэмден олмыктымо йодышым каҥашыме. Тушто кочмывер, актовый, спорт зал- влак верланеныт. Но тиде жаплан ыштыме решений. Молан манаш гын, школын у зданийжым чоҥыман. Тудым 2002-шо, 2012-шо ийыште олмыктымо, тений адак олымктена. Иктаж 2023-шо ийлан тудым кораҥдаш кӱлеш. 2012-шо ийысе заключенийыштак возымо: тушко шуко еҥым пурташ ок лий. Кызыт олмыкташлан Правительствын резерв фондшо гыч вич миллионат пеле теҥгем ойырена, пашам кызытак тарватыман. Икымше сентябрьлан олмыктен шуктыман. А 2023-шо ий икымше сентябрьыште тунемме идалыкым у школышто тӱҥалман.
Вара республикым вуйлатыше Прохоров уремыште шуко пачеран пӧртым чоҥымо площадкыште лийын. Тушто у пачерым аварийный фондлаште илыше- влак налшаш улыт. 96 пачержым уже калыкым кусараш налме. Пашам 30-шо ноябрь марте мучашлаш кӱлеш. Тиде пӧртым шуктымо дене калыкым тошто пӧртла гыч кусарыме кокымшо йыжыҥ мучашлалтеш. Александр Евстифеевын ончымо вес объектше- «Тумер» тӱвыра да каныме парк. Тудым тений майыште тӱзландараш тӱҥалме. Но июньышто историко-культурный экспертизым эртараш пашам чарен шогалтыме. Подрядчик ик арня гыч пашам уэш ок тӱҥал гын, контрактым кӱрлаш кӱлеш манын.
Марий Элым вуйлатыше тыгак Сеҥымаш Паркыш миен. Шукерте огыл тушто военный техникым вераҥдыме. Тӱҥ сомыл- самырык тукымым военно-патриотизм шӱлышеш шуарымаш. Республикым вуйлатыше самырык тукымым шуарымаште чолган тыршыше- влаклан тауштымашан серыш- влакым кучыктен. Наградым боевой действийлаште лийше- влак Андрей Григорьев, амалкалче- влак Ринат Биктимиров ден Сергей Долгачёв налыныт.
Вара республикым вуйлатыше Прохоров уремыште шуко пачеран пӧртым чоҥымо площадкыште лийын. Тушто у пачерым аварийный фондлаште илыше- влак налшаш улыт. 96 пачержым уже калыкым кусараш налме. Пашам 30-шо ноябрь марте мучашлаш кӱлеш. Тиде пӧртым шуктымо дене калыкым тошто пӧртла гыч кусарыме кокымшо йыжыҥ мучашлалтеш. Александр Евстифеевын ончымо вес объектше- «Тумер» тӱвыра да каныме парк. Тудым тений майыште тӱзландараш тӱҥалме. Но июньышто историко-культурный экспертизым эртараш пашам чарен шогалтыме. Подрядчик ик арня гыч пашам уэш ок тӱҥал гын, контрактым кӱрлаш кӱлеш манын.
Марий Элым вуйлатыше тыгак Сеҥымаш Паркыш миен. Шукерте огыл тушто военный техникым вераҥдыме. Тӱҥ сомыл- самырык тукымым военно-патриотизм шӱлышеш шуарымаш. Республикым вуйлатыше самырык тукымым шуарымаште чолган тыршыше- влаклан тауштымашан серыш- влакым кучыктен. Наградым боевой действийлаште лийше- влак Андрей Григорьев, амалкалче- влак Ринат Биктимиров ден Сергей Долгачёв налыныт.