Купсола ялыште скважиным кӱнчен шуктымо

               Волжский районысо Купсола ялыште вӱдзаборлан скважиным кӱнчен шуктымо. Кызыт тушеч лавран вӱдшым тулен луктыт, - тидын нерген район администраций увертара. Ушештарена: Республикысе Правительствын резерв фондшо гыч калыклан чарныде вӱдым ситараш да йоктарен колтымо системым ышташ 34 миллион теҥгем ойырымо. Тушечын 12 миллион теҥгеже районысо ныл ялыште у артезиан скважиным буритлаш колталтеш.
Фото: https://www.marpravda.ru/