Марий книга савыктышын книгаже- влак эн сай савыктыш радамыш пуреныт

                  Марий книга савыктышын книгаже- влак 2020-шо ийыште регионлаште лукмо 50 эн сай савыктыш радамыш пуреныт. Рейтингым «Талукысо эн сай книга- влак» да «Изирак шочмо эл» российысе конкурслаште эксперт совет- влакын акышт почеш ыштыме. Специалист- влак российысе 31 ола гыч 35 савыктыше организацийын пашаштым акленыт. Марий книга савыктыш вигак ныл позицийым айлен. Эн сай радамыш тыгай книга- влак пуреныт: «Звонкая речка» Марий йоча сылнымут антологий, «Онарын мландыже»:  марий калыкын миф ден легендыже-влак, «Калевала» карел да финн калык эпос, «Марий- влак Россий кумдыкышто». Нуным Марий Эллан 100 ий темме кышкарыште лукмо.
Фото: https://www.marimedia.ru/