Видеофиксаций комплекс- влак корнылаште пелйӱд марте ыштат
Видеофиксаций комплекс- влак республикысе корнылаште пелйӱд марте ыштат. ГИБДД-ште корно правилым пудыртымым возен налше куснылшо комплекс- влакын кушто шогымыштым умылтареныт. Тачысе кечылан фиксаций системе 81 аппаратым ушен шога: 62 стационарныйым, 14 передвижнойым да 5 мобильныйым. Лишыл кок арняште мобильный комплекс- влак тыгай верлаште пашам ышташ тӱҥалыт: Йошкар-Олаште Водопроводный, Первомай, Йыван Кырла, Строитель, Карл Маркс, Ленин проспект уремлан ужашыштышт, «Вятка» федерал корнын 19-ше гыч 83-шо меҥге марте ужашыште, Йошкар-Ола- Зеленодольск, Йошкар-Ола- Уржум, Козьмодемьянск- Кугу Сундырь корнышто. Федерал корнылаште кугарня гыч рушарня марте куснылшо комплекс- влак кок пачаш ешаралтыт. А кызыт нуно пелйӱд марте, манаш лиеш, пашам ыштат.