Кӱсотым ончыктышо ончер

                Йошкар-Олаште  кӱсото- влак нерген ойыртемалтше ончер почылтын. Теҥгече Мер-политик рӱдерыште «Сӱрем отышто» Кеҥежымсе кумалмаш» фото ончер пашам ышташ тӱҥалын. Шнуй ото- влакым тӱшкан шымлыме годым марий калыкын юмынйӱлаже дене кылдалтше ойыртемалтше этнографий материалым погымо. Пашам Евсеев лӱмеш калыкле тоштерын пашаеҥже- влак 2019-ше-2020-шо ийлаште шуктеныт. Выставке «Сӱрем» кумалмашын ойыртемже- влакым ончыкта. Тиде пайрем, тӱҥ шотышто, Морко ден Волжский районлаште палемдалтеш. Мер-политик рӱдерын адресше: Йошкар-Ола Гагарин проспект, 8-ше пӧрт.

Прошлые выпуски