Кок килоат пеле наркотикым шаркалаш шонен

               Россий ФСБ-н Марий Элысе виктемже Новосибирск гыч пӧръеҥын осал пашажым рашемден да чарен. Пӧръеҥ регион- влак коклаште кугу тӱшка дене наркотикым коштыктен. Чарыме веществам ужалкалыше ик интернет-кевытын курьерже лийын да Йошкар-Ола кундемыште кок килограммат 500 грамм синтетикан наркотикым шаркалаш тӧчен. Но виктемын пашаенже- влакын кучымыштлан кӧра пашажым мучашлен кертын огыл. Писын кычал-тергымашын лектышыже почеш уголовный пашам тарватыме да шымлыме. Тудын почеш Новосибирскыште шочшо еҥым Йошкар-Оласе суд 9 ийлан пеҥгыде режиман колонийыш петыраш пунчалын. Приговор вийым налын.

Прошлые выпуски