Йоча инфекций корпусым чоҥаш тӱҥалыт

             Йошкар-Олаште Республикысе йоча клинический эмлыме верыште йоча инфекций корпусым чоҥаш тӱҥалыт. Проект да смета документаций кугыжаныш экспертизым эртен. Проект почеш мероприятий- влаклан тений 61 миллион утла теҥге ойыралтеш. Кызыт инфекций черан йоча- влак районласе ныл стационарыште да Йошкар-Оласе йоча эмлыме верын инфекций стационарыштыже эмлалтыт. Тудын зданийже 1963-шо ийыште чоҥалтын да кызытсе стандартын йодмашыжлан келшен огеш тол. Республикысе йоча эмлыме верыште инфекций пӧлка лиеш гын, медицина полышын качествыжым саемдаш да уло республике гыч йоча- влакым эмлаш йӧным пуа манын шонат тазаллыкаралтыш министерствыште.
Фото: vnd12.ru