Параньгаште у хоккей коробко лийшаш

                  Параньгаште у хоккей коробко лийшаш. Район администрацийын уверже почеш, проектым шыҥдараш район бюджет гыч кок миллионат 210 тӱжем теҥгем ойырымо. Чоҥымаш «Спорт- илышын нормыжо» федерал программе кышкарыште шукталтеш. Площадкеш асфальтобетон шаралтеш. Тушко стандарт дене келшен толшо 30 да 60 метран хоккей корбко вераҥдалтеш. Спорт площадкым идалык мучко кучылташ келыштарат. Телым- хоккей дене модаш, кеҥежым- ролик да скейт дене мунчалташ. Кызыт посёлкышто негызым ямдылымаш кая. Тренировкым эртараш спорт да технологий оборудований лийшаш. Параньгаш хоккей капкам, шайбым чын колташ тунемаш мишеньым, коньким пӱсемдыме станокым, коньким да инвентарьым коштымо верым, борт комплектым да увер таблом кондат. У площадке, мутат уке, йоча да самырык-влакым куандара. Посёлкышто хоккей команде уло, кӱлешан инвентарь дене у объект спорт куатым нӧлталаш полшышаш,- ойлат район администрацийыште.
Фото: https://www.marimedia.ru/