Ик рвезе кок ий наре сад пакчаласе пӧрт- влакым толен коштын

                   Ийготыш шудымо рвезе кок ий наре сад пакчаласе пӧрт- влакым толен коштын да йолташыжымат туныктен. Волжск ола гыч кок самырык еҥ осал пашаштлан суд ончыко шогалыт. Уголовный паша 9 томыш погынен. Тергыме годым рашемын: 2018-ше ий декабрь гыч 2020-шо ий ноябрь марте рвезе тӱрлӧ сад-пакчаште 9 пӧртым толен. Мо логалын чыла нумалын. Кондымо эҥгекше 58 тӱжем теҥгеш шуын. Икымше гана пурымыж годым тудлан 16 ий темын улмаш. Икмыняр жап гыч тудлан шкетын кошташ йокрокын чучын да 17 ияш палымыжым ӱжын. Тудыжат келшен. Тыге кодшо ийын нуно эше вич участкым эрыктен лектыныт, 8 тӱжем теҥгеаш погым наҥгаеныт. Нуным кучымо, доказательствым погымо, 8 экспертизым эртарыме, 16 свидетельым йодыштмо, 14 еҥлан эҥгекым кондымыштым пеҥгыдемдыме. Уголовный пашам судыш колтымо.
Фото: glawmag.ru