Калыкын лӱдыкшыдымылыкшӧ- посна тӱткышыштӧ

                Калыкын лӱдыкшыдымылыкшӧ- посна тӱткышыштӧ. Республикыштына вӱд ден тулышто азапын ешаралтмыжым палемдыме.  Марий Элым вуйлатыше Александр Евстифеевын Правительство заседанийым эртарымыж годым тидын нерген Граждан оборона да калыкым аралыме шотышто комитетым вуйлатышын сомылыжым шуктышо Андрей Казеев ойлен. Тул пижмаш 25 процентлан ешаралтын, а вӱдыш пурен кайыше- влакын чотышт кок пачаш кушкын. Утларакше подылшо- влак да келыштарыдыме верлаште йӱштылшӧ- шамыч вӱд йымаке волат. А йоча- влак але ийын огыт мошто але ача-авашт огыт эскере. Шогышо шокшо игече калыкым вӱд деке шупшыльо. Пытартыш 7 кечыште гына 15 еҥ колен: Йошкар-Ола кундемыште: 6, Волжск ден Медведево районышто кокыт гыч, У Торъял, Параньга, Звенигово да Волжский районлаште ик еҥ гыч. Респубикым вуйлатыше ушештарен: кундемна мучко тул ваштареш шогымо посна режимым увертарыме. Сандене чыла мерым шуктен шогыман. МЧС виктем ден Граждан оборона комитет, администрацийлан еҥышт дене пырля профилактике пашам вияҥден колтышаш улыт. Туныктыш министерстве чыла йӧным кучылтын, тунемше да ача-аваштлан вӱд воктене да вӱдыштӧ шкем кузе кучымо правилым намиен шуктышаш улыт.
             Марий Элысе МЧС виктемын фотожо.

Прошлые выпуски