Марий Элыште мланде йымач тулен лекше фонтаным ыштат
Марий Элыште мланде йымач тулен лекше фонтаным ыштат. Советский посёлкысо парк зонышто тений кеҥежым сутка мучко тӱрлӧ тӱсын волгалтарыман фонтан лийшаш. Июль мучашыште але август тӱҥалтышыште объект ямде лийже манын, подряд организаций чолган пашам ышта. Каныше- влакым куандараш манын, вӱд вучдымын йол йымачак шыжалт лекташ тӱҥалеш. Тиде кумдык «Йӧнан оласе кумдыкым ыштымаш» калыкле проект кышкарыште тӱзландаралтеш. Паркым ыштыме программыже кум ийлан палемдалтын, - каласен районым вуйлатыше Сергей Халтурин. Тений фонтан деч посна тушто йолгорно- влакымат тӧрлат. Варарак йоча площадке- влак, воркаутлан кумдык, канен шинчыме леведышан вер- влак ышталтыт. Каныме верым кож дене авырен налыт. Мучашлан кызытсе жаплан келшыше тулым пуртат да объект- влакым волгалтараш тӱҥалыт.