Республикыштына медицина тӧнеж- влакым уэмдат
Республикыштына медицина тӧнеж- влакым уэмдат. Советский район гыч вигак икмыняр медицина тӧнеж регионысо тазалыкаралтышын икымше звеножым модернизироватлыме программыш пурен. Программыжым 2025-ше ий марте пеҥгыдемдыме. Рӱдӧ эмлыме верыште цифран у рентген аппаратым шындыме. Тудым рентгенолог ден пациент- влак аклен шуктеныт. Снимкым компьютерыште ончаш лиеш. Тудым кугемдаш, савыркалаш йӧн уло. Июль мучашлан районысо эмлыме верыш эксперт классан у УЗИ аппаратым кондымым вучат. Тиддеч посна модернизаций кышкарыште шушаш ийын ЦРБ маммографий комплекс дене пойдаралтшаш, 2024-ше ийыште- у флюорограф дене. Вашталтыш Советский районысо ялласе тӧнеж- влакымат ӧрдыжеш коден огыл. Июльышто Солнечный посёлкышто амбулаторийым капитально олмыкташ тӱҥалыт. Тидлан 17 миллион утла теҥге окса ойыралтеш Амбулаторий шыже кыдаллан у тӱсым налшаш.
"Вестник района" газетын фотожо.
"Вестник района" газетын фотожо.