Памар селаште скважиным буритлат

                    Волжский районышто у водозаборлан скважиным кӱнчаш тӱҥалыныт. Памар селаште скважиным буритлат. Ушештарена: чот шокшо шогымо годым вӱдым утларак кучылтыныт да вӱд ситыдымаш шижалтын. Тиде йодышым кораҥдаш Республикым вуйлатыше Александр Евстифеев правительствын резерв фондшо гыч оксам ойыраш кӱштен ыле. Совещанийын лектышыже почеш Волжский районысо ныл ялыште: Черкысолаште, Купсолаште, Пӧтъялыште да Памар селаште у скважине- влак лийыт. Нуным чоҥаш 12 миллион теҥге оксам колтымо. Памарыште пашам тӱҥалыме. Тудым мучашлымаш вӱдын могай келгытыште улмыжо да мландын могайрак улмыж деч шога. Шонымо почеш келгытше 70-80 метр лийшаш. Тудо ик шагатыште 10 кубометр вӱдым луктын кертшаш. Чоҥымаш министр Михаил Степановын мутшо почеш, селаште эше ешарен кок скважиным чоҥымо йодыш каҥашалтеш. Лишыл кечылаште моло ялыштат паша тӱҥалшаш.
                    "Волжская правда" газетын фотожо.

Прошлые выпуски