Ынде Йошкар-Ола гычат турпоезд кая

               Йошкар-Ола гыч икымше гана Самара  да Тольятти марте турпоезд кая. Проект «Юл кундемыште ойыртемалтше каныш кече» программе кышкарыште эртаралтеш. Поезд Йошкар-Ола гыч 30-шо июльышто кая, 31-ше кечын путешественник- влак Самарыш миен шуыт. Тушто тӱзландарыме эн кужу серым, оҥай архитектурым ончат, верысе кухньым тамлен налыт. Вес чарналтышыже Тольяттиште лиеш. Турист- влакым Гарибальдин лӱмлӧ замкышкыже намият. Корно ыҥгай фотосессийлан Вертолёт площадкеш шогалыт. Тушечын Юлым да Жигулёв курыкым ончаш лиеш. Икымше августышто поезд мӧҥгеш Зелёный Долыш толын шуэш. А тушеч путешественник- влакым автобус дене Йошкар-Олаш кондат.