Республикысе чоҥышаш йодыш- влакым Москошто каҥашыме
Марий Элым вуйлатыше Российысе чоҥымаш министерствын вуйлатышышт дене Йошкар-Олаште да Волжскышто очистной сооруженийым пужен ыштыме да Медведево районысо Шоядӱр ялыште корным чоҥымо йодышым каҥашен. Таче Марий Элым вуйлатыше Александр Евстифеев паша дене Москваште улеш. Эрденак тудо Российысе чоҥымаш министр Ирек Файзуллин дене вашлийын. Вашлиймаште Глава дене пырля правительство председательын икымше алмаштышыже Александр Сальников, чоҥымаш министр Михаил Степанов лийыныт. Республикысе вич муниципал районышто 6 очистной сооруженийым чоҥаш да уэмдаш палемдыме. Тений кок объектым пашаш колтымо. Тидыже Юл эҥерыш лавыран вӱдым шагалрак колташ йӧным ыштен. Йошкар-Олаште очистной сооруженийын кокымшо ден кумшо йыжыҥжым уэмдымашыш вӱдым механически, биологически да химически эрыктымаш, обрабатыватлыше сооруженийым пужен ыштымаш да йошкыным поген оптымо верым ыштымаш пурат. Кумшо йыжыҥыште йошкыным коштымо цехым чоҥат, коштымыжым жаплан Нолька посёлкышто чумырат. Тидым ыштен шуктымеке, Юл эҥерыш эрыктыме вӱдым колтымо шотышто федерал проект почеш палемдыме кӱкшытыш шушаш улыт. Волжск олаштат эрыктыме вӱдын качествыже норматив дене келшен ок тол. Эрыктыме сооруженийым тушто 1968-ше ийыште ыштыме. Тушто очистнойым ыштымек, эрыктыдыме вӱд Юл эҥерыш логалаш ок тӱҥал.
Медведево районысо Шоядӱр ялыште у илыме комплекс чоҥалтеш. Тушко корным ыштыме паша пӱсын шога. Тушто 284 мланде участке уло. Чылаштыжат посна пӧртым нӧлтат. 57 тӱжем квадрат метр наре илыме вер лийшаш. Тений идалык тӱналтышлан 217 пӧртым чоҥаш разрешенийым налме. Верысе кооперативын оксаже кӱшеш вӱд пуч, газ пуч сетьым чоҥымо, йоча площадкым ыштыме, тыгыде кӱан корным ыштыме. Проект почеш асфальт корно лийшаш. Нуно Йошкар-Ола- Санчурск корно гыч шуйнышаш улыт. Тӱшка кужытшо куд меҥге утла погына. Тений окса ойыралтеш гын, Шоядӱрышто куд тӱжем квадрат метр илыме вер ямде лиеш.
Медведево районысо Шоядӱр ялыште у илыме комплекс чоҥалтеш. Тушко корным ыштыме паша пӱсын шога. Тушто 284 мланде участке уло. Чылаштыжат посна пӧртым нӧлтат. 57 тӱжем квадрат метр наре илыме вер лийшаш. Тений идалык тӱналтышлан 217 пӧртым чоҥаш разрешенийым налме. Верысе кооперативын оксаже кӱшеш вӱд пуч, газ пуч сетьым чоҥымо, йоча площадкым ыштыме, тыгыде кӱан корным ыштыме. Проект почеш асфальт корно лийшаш. Нуно Йошкар-Ола- Санчурск корно гыч шуйнышаш улыт. Тӱшка кужытшо куд меҥге утла погына. Тений окса ойыралтеш гын, Шоядӱрышто куд тӱжем квадрат метр илыме вер ямде лиеш.