«Элмет» предприятийлан- 70 ий

                    Тений Йошкар-Оласе «Элмет»  предприятийым ыштымылан 70 ий темеш. Ондак тудым «Йошкар-Оласе УПП ВОС» семын палат ыле. Кызыт предприятийысе пашаеҥ- влакын пелыже шинча шотышто начаррак тазалыкан еҥ- влак улыт. Предприятий консервироватлыме банкым петырыме леведышым, скоросшивательым, иземдыше трансформаторым да промышленностьлан, калыклан моло сатум луктеш. Предприятийыште начар ужшо- влаклан реабилитаций мероприятий- влак эртаралтыт. Тушко профессионал шинчымашым налмаш да уэш тунеммаш, пашаш пураш йӧным пуымаш, нунылан пашам ышташ лӱдыкшыдымӧ да сай йӧным ыштымаш пура. Промышленность министр Станислав Крылов кугу лӱмгечылан пӧлеклалтше торжественный мероприятийыште лийын да ойыртемалтше пашаеҥ ден ветеран- влаклан министерствын Чап грамотыжо- влакым кучыктен.