Пӧрт пырдыжла гыч наркотикым шаркалыме рекламым кораҥдыме

                    Йошкар-Оласе пӧрт пырдыжла гыч наркотикым шаркалыме рекламым кораҥдыме. МВД-н наркоконтроль виктемжын пашаеҥже- влак олан рӱдыштыжӧ наркотикым ушештарыше 50 наре возымым чиялтен петыреныт. Акцийыш оласе 10-шо школын доброволецше- влакат ушненыт. МВД-ште умылтарат наркотикым шаркалыше- влак пырдыжым увертарымаш оҥа семын кучылтыт. Уверже самырык- влаклан виктаралтын. Тидыже кугу тургыжланымашым луктеш. Чарыме вещества дене шуктымо кеч- могай сомылат, закон дене келшен ок тол, эрык деч посна коден кертыт. Наркотикым шаркалыме нерген уверда уло гын, МВД-н ӱшан телефонышкыжо йыҥгырташ лиеш. Номерже: 68-00-00.