Кодшо ийын лийшаш перепись тений эрта

                    2020-шо ийыште лийшаш Российысе калыкым возен налме радамым пеҥгыдемдыме. Тидын шотышто Россий правительстве комиссийын заседанийже эртен. Российын икымше вице-премьерже Андрей Белоусовын эртарыме видеоконференцийыште Полномочный представительын алмаштышыже Олег Машковцев участвоватлен. Российын Правительствыже переписьын тӱҥ йыжыҥжым тений октябрьыш кусарыме жапым пеҥгыдемден. Икымше гана перепись цифран формат дене лиеш. Тӱҥ у йӧн семын электрон перепись листым «Кугыжаныш полыш» порталыште шке возаш лиеш. Возен налмашлан ямдылалтме шотышто тӱҥ докладым Росстатым вуйлатыше Павел Малков ыштен. Кызыт тӱҥ пашам шуктымо. Переписьлан лист- влакын формыштым пеҥгыдемдыме, электрон планшетлам регионлаш колтымо, комиссий- влакын пашаштым виктарен колтымо, переписчик- влакын спискыштым ямдылыме. Переписьын икымше лектышыже тений идалык мучашлан ямде лийшаш.

Прошлые выпуски