Марий Элыште икымше гана Андрей Эшпай лӱмеш фестиваль лиеш

                   Марий Элыште икымше гана Андрей Эшпай лӱмеш фестиваль лиеш. Эрик Сапаев лӱмеш  Марий кугыжаныш академический опера да балее театрыште у фестиваль шочеш да тудо опера сымыктышлан пӧлеклалтеш. Тудым ямдылыше- влак лӱмжым лӱмлӧ землякна дене кылденыт- Российын композиторжо Андрей Эшпай дене. Тӱвыра событийын презентацийже сентябрьыште лийшаш. Тӱҥ партийлаште Российысе вӱдышӧ театр- влакын шӱдырышт йолгаш тӱҥалыт. 8-ше гыч 19-ше сентябрь марте Йошкар-Оласе калыкым Большой, Мариинский, Михайловский, Станиславский да Немирович-Данченко лӱмеш, Саха Республикын опера да балет театржын артистше- влак куандараш тӱҥалыт. Андрей Эшпай лӱмеш фестиваль идалык еда эрташ тӱҥалеш,- ойлат ямдылыше- влак.