Панфилов урем дене транспортлан кошташ йӧндымӧ лиеш

                 Йошкар-Оласе Панфилов урем дене транспортлан кошташ июль мучаш марте чарыме. Мланде йымач кайыше газ пучышто мланде пашам ыштымылан кӧра, Панфилов уремын Карл Маркс деч Чайкинан икымше изуремже марте ужашыште нечётный могыржо дене транспортлан кошташ ок лий. Мэрийын ончыктымыж почеш, чарымаш 5-ше июльышто тӱҥалеш да тылзе мучаш марте шуйна. Водитель- влаклан тиде уверым шотыш налаш темлат.