Мэр эҥер серым олмыктымым терген

                     Йошкар-Олан мэрже Евгений Маслов подряд организацийын еҥже, тыгак эҥер серыште каныме верлам тӱзландарыме проектын кураторжо, МарГУ-н ректоржо Михаил Швецов дене Изи Какшан эҥер серыште Театр кӱвар тураште олмыктымо пашам терген лектыныт. Йошкар-Олан эн сӧрал вержым олмыктен шогаш окса ситен огыл, а тений шийвундым муаш тыршышна,- каласен мэр. Тидымат ешарен: серым тӱзландарыме проект йӱклымаште сеҥышыш лектын, кызыт проект ышталтеш. Оласе калыкымат шке темлымашыжым колташ йодын. Кызыт эҥер сер начарештын, плитка тӧргалтеш, южо отделке элемент- влак йомыныт, икмыняр вере мланде коштеш. Олмыктымо паша икмыняр ий каяш тӱҥалеш. Сандене оласе калыкым улшыжым аралаш ӱжын ойлен. Кызыт лӱдыкшӧ ынже лий манын, тошкалтышлаште да йолын коштмо верлаште олмыкташ тӱҥалыт. Кумдан тӱзландарыме пашаже вес ийын шукталтеш. Калыкын чыла темлымашыже шотыш налалтеш. Самырык- влаклан вантовый кӱвар воктене спорт площадке лиеш, Илалше- влаклан теҥгылан каныме вер, ава да йочалан, еш дене канаш  вер- влак ышталтыт, чолга самырык- влаклан коворкинг зона дийшаш,- каласен МарГУ-н ректоржо Михаил Швецов.