Марий юнго- влак икымше верым налыныт

                Великий Новогордышто самырык моряк- влакын Россий кӱкшытан слётыштышт парус дене иймаште Марий Элын командыже икымше верым сеҥен налын. Российысе тӱрлӧ кундем гыч 15 команде 10 кече жапыште «Господин Великий Новгород» тунемме теплоходышто тӱрлӧ мероприятийыште участвоватлат. Тӱҥ таҥасымаш- влак шлюпкышто эртат. Шлюпко дене иймаште икымше верым Марий Эл ден Вологдын командыже пайленыт. Вара кок кече парус дене таҥасеныт. Туштат полуфиналыш лектыныт. Вара финал. Финалыштат Козьмодемьянскысе рвезе- влак икымше верыш лектыныт. Кокымшо ден кумшо верым Великий Новгородын командыже налын. «Теҥыз зарница» модмаш деч вара юнго- влак тунемме теплоход дене Санкт-Петербург марте каят. Слёт 27-ше июньышто мучашлалтеш.