80 ий ончыч Кугу Ачамланде сар тӱҥалын

               Таче ныл шагат эрденак Йошкар-Олаште Курымашлык тул воктеке пеледыш аршышым пыштыме. Тыгай эрым ончыде, пеледышым пышташ ура чонан еҥ- влак, пограничник- влакын «Застава» мер организацийыштын еҥже- шамыч, «Воскресение» кычалше отряд, Юлтехын волонтёр отрядше миеныт. Ушештарена: таче кечывалым Элна мучко ик тат шып шоген шарналтымаш эртен.
               Таче Марий Элым вуйлатыше Александр Евстифеев Кугу Ачамланде сарыште вуйым пыштыше- влак лӱмеш Воин Чап монумент да Курымашлык тул воктеке пеледыш аршашым пыштен. Кажне россиянинын порысшо герой- влак нерген шарнышаш да тукым гыч тукымыш сар нерген историй чыным кусарен толшаш, - каласен ресубликым вуйлатыше сарын геройжо- влакым ик тат шып шоген шарныме деч вара.