Козьмодемьянскыш таче «Змей Горыныч» ийын толын
Козьмодемьянскыш таче «Змей Горыныч» ийын толын. Акрет руш ладьян бортыштыжо «Рюрикын корныжо» Тӱнямбал шанче-шымлыше экспедицийын еҥже- влак улыт. Тыгай оҥай проектым Тольятти гыч реконструктор- влак шонен луктыныт. Вӱд путешествийыш нуно 2019-ше ий майыштак лектыныт. Корнышт Жигулёвысо курык деч тӱҥалын. Тиде жапыште нуно Российын 15 кундемышкыже миеныт, Балтий теҥыз кундемысе 10 элын сер ден отролажым эртеныт да варяг- влакын Тошто Ладогыш куснен толмо историй маршрутышт дене савырненыт. Нуно Рус-влакын отроштым кычалыныт. Лач тушечын Рюрикым князь семын ӱжыктеныт маныт. Кызыт путешественник- влак мӧҥгышт пӧртылыт. Таче Козьмодемьянскысе калык акрет годсо кум кишкывуян ладьям ончен, командын еҥышт ден мутланеныт.