Районлам вуйлатыше- влакым ММЗ-н продукцийже дене палдареныт

                 Муниципал образований администрацийлам вуйлатыше- влаклан Марий Машиностроитель заводын лукмо промышленный продукцийын презентацийжым эртарыме. Тудо экономически вияҥмаш министерствыште  лийын. Мероприятийыште Правительстве председательын икымше алмаштышыже Александр Сальников, промышленность министр Станислав Крылов лийыныт. Презентацийыште ял озанлыклан да корно пашалан светодиодан волгалтарыме элемент- влакым ончыктымо. Тӱжвалне волгалтарыме светодиодан светильник- влак муниципал образованийлаште да ӧрдыжтат корно лӱдыкшыдымылыкым ыштымаште, йӧнан оласе кумдыкым ытымаште чолган кучылталтыт. Заводын разработкыжо тыгак зданий, объект- влакым, пӧлем кӧргымат волгалтараш келшыше улыт. Предприятийын планыштыже тений уэмдыме светильник- влакым лукташ палемдыме.