Росгвардийын пашаеҥже лу еҥым вӱд гыч утарен луктын
Волжск олаште Росгвардийын пашаеҥже вӱдыш пурен каяш тӱҥалше лу еҥым утарен. Пуш дене канен коштшо- влаклан тиде пытартыш кече лийын кертын. Но эҥгекыш логалше- влаклан полшаш полицийын изирак сержантше Денис Кормилкин миен шуын. Вневедомственный охранын пашаеҥже шке каныш кечынже ешыж дене Юл эҥерыш канаш миен. Пелашыжын ачаже- оньыж дене моторан пуш дене кайымыж годым кумыкталтше пушым ужын да полышым йодын кычкырыше- влакым шекланен. Кумыкалтше пушышто лу еҥ, нунын кокла гыч визытше йоча лийыныт. Кугу нелытлан кӧра пуш савырнен возын. Младший сержант оньыж дене вигак тушко пуш дене ийын миеныт. Эн ончыч йоча- влакым серыш луктыныт, вара кугыеҥ- влакым. Утарыше- влак толын шумеш чыланат серыште лийыныт. Тыге Росгвардийын пашаеҥжын моштен ыштымыжлан кӧра туткар марте шуктымо огыл.