Йошкар-Олаште Суворов уремым официально эксплуатацийыш налме

                   Йошкар-Олаште Суворов уремысе автомобиль корным олмыктымо деч вара официально эксплуатацийыш налме. Кугыжаныш комиссий уремын Герцен деч Машиностроитель урем марте ужашыжым сайлан шотлен. Тиде корнын ужашыже ик меҥге утла шуйна. Контракт почеш пашан акше 43 миллион теҥгеш шуын. Пашам «Качестван лӱдыкшыдымӧ корно» калыкле проектын «Регионышто верысе корно сеть» проект кышкарыште шуктымо. Тушто ончымо вынемым пужен ыштыме, тошто асфальтым кораҥдыме, бордюр кӱым вашталтыме, у асфальтым шарыме, корно разметкым ыштыме. Муниципал контракт почеш пашам 15-ше сентябрьлан мучашлышаш улыт ыле, но подряд организаций чыла сомылым ончылгоч шуктен да июньыштак мучашлен, - каласен транспорт да корно озанлык министрын алмаштышыже Александр Желонкин.