Калыкле проект- влаклан кӧра Марий Элыште экологий йодыш- влак сайын виктаралтыт
Калыкле проект- влаклан кӧра Марий Элыште экологий йодыш- влак сайын виктаралтыт. Самара олаште Российысе лӱдыкшыдымылык Совет секретарьын выездной совещанийже мучашлалтын. Тудым Россий Федерацийын Лӱдыкшыдымылык Советшын секретарьже Николай Патрушев да Юл кундем округышто Россий Президентын полномочный представительже Игорь Комаров эртареныт. Совещанийыште Марий Элым вуйлатыше Александр Евстифеев участвоватлен. Погынышо- влак экологий лӱдыкшыдымылык да йырым- йырысе средам аралыме йодышым каҥашеныт. Николай Патрушевын мутшо почеш, йодышым виктарыдымаш калыкын илыш качествыжлан начар влиянийым ышта, социал нелылыкым луктеш. Сандене экологий йодыш кугу тӱткышым йодеш. Марий Эл Юл кундем округын экологически яндар кундемжылан шотлалтеш. Икмыняр ий почела республике кумдыкышто южын, вӱд объектлан амыргымыжым регистрироватлыме огыл, лавыран вӱдым йоктарен колтымо огыл. Отходым опташлан республикыште 18 полигон уло. Нуным чылаштым кугыжаныш реестрыш пуртымо. Пеҥгыде шӱк- куштырам посна погымаш шыҥдаралтеш, контейнер площадке- влак ышталтыт, контейнер- влак налалтыт. Республикыште «Юл эҥерым тазаҥдымаш» федерал проект шыҥдаралтеш, Марий Турек район дене Козьмодемьянскыште очистной сооруженийым чоҥымо, Йошкар-Олаште пужен ышталтеш. Шушаш ийын очистной сооруженийым Параньга районышто, 23-шо ийыште Килемар ден Марий Турек районлаште пужен ышташ тӱҥалыт. Республикынан 60 процент утлажым чодыра айла, экололгически яндар кундем. Экологий йодышым виктарымашке промышленный предприятий- влакат ушнат. Марий целлюлоз кагаз комбинат «Йогышо вӱдым эрыктыше сооружений» проектым шыҥдара. Александр Евстифеев палемден: экологий йодыш ятыр кундемлан кӱлешан улеш. Калыкле цель деке округысо моло кундем дене пырля ошкылына,- мучашлен тудо.