Промышленностьым вияҥдыме фонд льготан заём- влакым пуэн

                Республикысе промышленностьым вияҥдыме фонд льготан заём- влакым пуэн. Июньышто тудо «Вияҥме проект- влак» программе кышкарыште «Аргус-Волга» ден «В+2» иземдыме ответственностян ушем- влаклан оксам ойырен. Икымшыжлан займым  «Производство предприятийым уэмдаш да технологий оборудованийым налаш» пуымо. Тидыже сатум уларак лукташ, производство технологийым саемдаш, роскотым иземдаш, налогым шукырак тӱлаш, ужалкалыме географийым кумдаҥдаш, 12 паша верым ешараш  полша. Предприятий бронироватлыме але армироватлыме сейфым, йӱлыдымӧ шкафым да омсам луктеш. «В+2» предприятий улшо производствым уэмдаш да эластичный пенополиуретаным лукмо оборудованийлан складым пужен ышташ налеш. Тидыже паша куатым кугемдаш, парышым шукырак налаш, 10 у пашаверым почаш йоным пуа.