Калыкле тоштерыште тӱҥ этнографий экспозиций- влакым сем пойдара

                Калыкле тоштерыште тӱҥ этнографий экспозиций семым лукташ тӱҥалын. Евсеев лӱмеш калыкле тоштерыште «Чодыра кундемын семже» ойртемалтше проектлан презентацийым эртареныт. Тыге тӱҥ экспозицийым сылне сем пойдара. Диорамым ончымо годым «Тумна ден рывыж» йомакым, «Чоткар- патыр» легендым рушла, марла, курык марла колышташ лиеш. Тыгак азам малтыме, сӱан, рекрут, паша, календарь дене кылдалтше муро- влак улыт, марий калык семӱзгарым колышташ лиеш. Тоштерын директоржо Светлана Звереван мутшо почеш, проектым кужу жаплан ыштыме, у технологийым тоштер экспозицийыш умбакыжат шыҥдараш тӱҥалыт.
Выставка: tourister.ru