«Урем сымыктышлан»- премий

                Республикысе калык «Урем сымыктышлан» премийым налын кертеш. Самырык граффити- сӱретче- влаклан премий дене полшат. 16 гыч 35 ияш марте уста самырык еҥ- влак 7-ше июль марте премийым налаш йодмашым пуэн кертыт. Премийым Юл кундем округысо «ФормАРТ» стрит-арт фестиваль кышкарыште пуат. Ушештарена: кодшо ийын фестиваль пандемий темылан пӧлеклалтын ыле. Йошкар-Олаште Илья Беловын «Врач-влаклан тау» проектше шыҥдаралтын. Тений проект- влакын тӱҥ темышт «Ончыкылыкыш ончалтыш» бренд почеш элым вияҥдыме куатым да у технологийым ончыктымаш лиеш. Тушто «У технологий», «Айдеме да шанче», «Ончыкылыкын тӱняже» корно- влак лийыт. Конкурс икмыняр йыжыҥ дене эрта. Сеҥыше- влакым тений шыжым тӱшка йӱклымаш дене ойырен налыт. Икымше, кокымшо, кумшо верым налше- влак 100 гыч 200 тӱжем теҥге марте окса приз дене палемдалтыт.