Туркменистанын Генеральный консулжо толын каен
Кодшо арня мучашыште республикым вуйлатыше Александр Евстифеев Российыште (Озаҥ олаште) Туркменистанын Генеральный консулжо Атадурды Байрамов дене вашкыл шотышто вашлиймашым эртарен. Нуно ужалкалыме да экономике кылым вияҥдыме йодышым каҥашеныт. Кок эл кокласе вашкыл, тӱҥ шотышто, посна озанлык объект- влакын тӱҥалтышышт почеш кучалтеш. 2018-ше ий годсек внешне торговый оборот ешаралтмаш палдырна. Кодшо ийын тудо 189 миллион теҥгеш шуын. 2017-ше ий годсек ваш ужалкалымаш шукыракше экспортлан логалеш. Тӱҥ шотышто пушеҥге да тушеч ыштыме сату, пырче гыч ышыме ямде сату да ложаш гыч ыштыме кондитер изделий ужалалтеш. Тунемме да шанче пашаште вашкыл уло. Кызыт тушечын республикысе вузлаште 509 еҥ тунемеш.