Калык йӱклымаште Козьмодемьянскысе скейтплощадке, Волжскысо тротуар- влак, Йошкар-Оласе эҥер сер эн шуко йӱкым погеныт

                    Калык йӱклымаште Козьмодемьянсксе скейтплощадке, Волжскысо тротуар- влак, Йошкар-Оласе эҥер сер эн шуко йӱкым погеныт. 2022-шо ийыште тӱзландарышаш тӱшка кумдыклам ойырен налме шотышто Россий кӱкшытан онлайн-йӱклымашым официально иктешлыме. Йӱклымашке Марий Эл гыч Йошкар-Ола, Волжск да Козьмодемьянскысе тӱзландарышаш объект- влак пуреныт. Нунын верч 37 тӱжем еҥ шке йӱкшым пуэн. Волжск олаште «Заря» микрорайонысо тротуар- влак ончыко лектыныт. Нунын пӱрымашашт верч кок тӱжемат пеле еҥ  йӱклен. Козьмодемьянскыште 900 утла еҥ тазалык аллей кӱлеш, тушто секйтплощадке лийшаш манын йӱкшым пуэн. А Йошкар-Олаште шушаш ийын шым тӱшка кумдыкым олмыкташ тӱҥалыт. Тиде- эҥер серысе каныме вер, Прохоров ден Ян Крастынь уремласе йолгорно, Россий Армийын тӱвыра полатше воктелсе кумдык, Семёновка селасе Молодёжный уремын тротуарже, тыгак оласе Куйбышев ден Павленко уремлаште йолгорно, Сомбатхейыште пийым луктын коштыктымо вер. Йӱклымашке чылаже элысе 84 регион ушнен.
Фото: https://www.marpravda.ru/