Автоинспекцийын пашаже нерген выставке каласкала

            Йошкар-Олаште кугыжаныш автоинспекцийын пашаже нерген каласкалыше выставке почылтын. Таче Евсеев лӱмеш калыкле тоштерыште «Корным оролымаште 85 ий» ончер пашам ышташ тӱҥалын. Экспозиций Эл кӧргӧ паша министерствын кугыжаныш автоинспекцийжым ыштымылан лӱмгече дате шумылан пӧлеклалтын. Тушто ГИБДД виктемын фондшо гыч фотосӱрет да ӱзгар- влак ончыкталтыт. Ончер тӱрлӧ еҥлан оҥай лийшаш да тиде организацийын пашажым у семын ончалаш йӧным пуа.
Фото:  news.myseldon.com